Buon annu a tutti,
ai longhi e ai curti,
a cu si licca a sarda
e a cu mancia e si nni futti,
a chiddi cu i causi ranni
e a chiddi senza mutanni,
ai granni e ai nichi,
a chiddi chi schucchianu pasta
e ncucchianu viddichi,
ai sani e ai malati,
a sciancati, sgummati, struppiati e ‘nghissati,
ai ricchi e ai pureddi,
a chiddi chi mancianu carni
e a chiddi chi arricioppanu cavuliceddi,
buon annu, puru a me nannu,
a tutti i me parenti ca nun sacciu unni stannu
a cu ci piaci manciari
e a cu unn’avi mancu culu pi cacari,
a cu si metti i picciuli sutta i maruna,
a cu si ratta i cugghiuna
a postini, zuini, sciacquini, abbuffini
a viscuvi e parrini,
viriti la missa e sgangacci li rini,
ai carciarati e ai cunnannati:
coraggiu, cu a nova leggi su tutti libberati,
a malati, nfirmeri e duttura,
bidelli e prufissura,
a ngigneri e muratura,
a viddani e piscatura,
a tutti li travagghiatura
chi ghiettanu sangu e surura
a l’avvocati ai raggiunieri
parrucchieri, varberi,
finanzeri, carabbineri e puntuneri,
a chiddi chi a pigghianu davanti
e a chiddi chi a pigghianu d’arreri,
a firrara, iurnatara,scarpara, furnara,
siddunara,crapara e picurara,
a li patruna di li supermercati,
a li commessi sfruttati,
a li patruna di li ristoranti,
ai cammarieri e ai suprastanti,
a cu s’annaca cu i machinuna
e a cu unn’avi mancu i scarpuna,
a li disoccupati e nullatenenti
ca unn’annu soccu mettiri sutta i denti,
Tintu annu a tutti li mafiusi,
rugnusi, fitusi, schifiusi e arrusi,
chi i chiuissiru a tutti, pari pari
e ghittassiru a chiavi a mari.
Tintu annu a tutta la genti
ca paga u pizzu e un si nni penti:
ognuno è libbiru di farisi nculari
e di pruvarici piaciri, macari.
Tintu annu a lu guvernu
ca si nn’issi rittu a u nfernu,
a sinatura e deputati,
speciarmenti a chiddi cunnannati,
ci vinissi un corpu i sangu
e murissiru carcirati,
buon annu ai vicchiareddi,
ai ranni e ai picciutteddi,
ai lari e ai beddi,
a ienniri,soggiri e nuora,
a chiddi chi arrestanu rintra
e a chiddi chi vannu fora,
a l’impiegati, ai pinsionati
a li niputi, zii, cucini e cugnati,
a li mariti curnuti e a li muggheri buttani,
a cu si vusca u pani,
a viddani, a gatti e cani,
a cu accatta e a cu vinni,
a cu acchiana e a cu scinni,
a cu chianci e a cu riri,
a cu criri e a cu un criri,
a cu campa a iurnata
e si licca a sarda salata
e a cu avi i miliuna a palati
e si nni sta futtennu d’i disgraziati.
ai patri di famigghia senza travagghiu,
chi ci finissi prestu stu smagghiu,
a cu mori nta i galeri e a cu fa u carciareri
Buon annu e la fini d’ogni guerra
supra la nostra terra,
Auguri chi lu novu annu
si purtassi luntanu ogni malannu.
Devastato il server e reso irraggiungibile per diverse ore il sito dell’associazione di sopravvissuti agli…
La vicenda della nuova intitolazione del Liceo Scientifico di Partinico si è chiusa nel migliore…
È morto all'età di 87 anni Vincenzo Agostino, il padre dell'agente di polizia Nino assassinato…
Una storia durata due anni Ieri sera, nel corso della Notte nazionale dei Licei Classici,…
(LaPresse) La Polizia di Stato diffonde il nuovo identikit di Giovanni Motisi, latitante dal 1998,…
La prima pista Comincia nel 1953, data di fondazione della società Consorzio Autonomo per l’Aeroporto…